Gjykata e Tiranës ka vendosur të shtyjë më 4 qershor seancën gjyqësore ndaj ish-kryebashkiakut të Vorës, Agim Kajmaku. Shkak për shtyrjen e seancës është bërë mosparaqitja e avokatit mbrojtës të Kajmakut.
Agim Kajmaku, i cili vijon të jetë në arrati, u denoncua fillimisht nga Partia Demokratike, pasi ka qenë i dënuar në Greqi për falsifikim parash, por diçka të tillë nuk e ka deklaruar në formularin e dekriminalizimit. Akuzat e PD rezultuan të vërteta, ndërsa Kajmaku u shpall në kërkim.
Ai po gjykohet në mungesë për tre vepra penale “Shpërdorim detyre”, “Falsifikim i formularëve” dhe “Ushtrimi i funksioneve pas dhënies fund të detyrës”.
