“Ka 35 vite në politikë”, Leka: Problemi më i madh i opozitës është Sali Berisha

Analisti politik Martin Leka tha se qeveria ka gabime, por gabimi më i madh është tek opozita.

Ai u shpreh nga studio e Quo Vadis në Vizion Plus se Sali Berisha duhet të largohet menjëherë, sepse ka 35 vite në politikë, teksa e cilësoi edhe si problemin kryesor të PD-së.

Pjesë nga biseda:

Leka: Tek qeveria ka 1 mijë gabime, një nga to është korrupsioni, por edhe krimi i organizuar, dikur edhe për kanabizimin. Gjithashtu kemi 2 zv.kryeministra të pandehur. Por problemi i madh që ka opozita është ai personi që ka 35 vjet në politikë që keni në krye, Sali Berisha. Pse? Sepse është shpallur non grata, vrasja e 4 personave gjithashtu.

Kuçana: Pra ju mendoni se i vrau Berisha?

Leka: Sali Berisha mban përgjegjësi për gjithçka. Quhet krim shtetëror.

Kuçana: Unë mendoj që t’ja lëmë drejtësisë.

/vizionplus.tv