Mbyllja e basteve sportive dhe pamundësia për të gjetur sponsor duket se I ka çuar klubet sportive shqiptare që të kërkojnë sponsora jo të zakonshëm.
Ekipi i futbollit të Maliqit duket se ka qenë I pari që e ka bërë një gjë të tillë në vend pasi ka gjetur një sponsor të çuditshëm.
Prej pak ditësh ekipi I Maliqit ka lidhur një kontratë sponsorizimi me një klub striptizmi në Korçë.
Lajmin e ka njoftuar vetë klubi I striptizimit në faqen zyrtare në “Facebook”, I cili teksa shpreh kënaqësi për këtë gjë thekson se ekipi do të përfitojë argëtim falas pas çdo fitoreje të arritur.
Ekipi I ligës së Dytë shqiptare duket se ka gjetur motivimin e duhur pasi në ndeshjen e luajtur të dielën ka arritur të fitojë.
Madje dhe lojtarët e këtij ekipi kanë pozuar me “krenari” fanellat e reja që mbajnë të stampuar logon e lokalit me “pullë të kuqe”.
