Themeluesi i Wikileaks, Julian Assange, ka kundërshtuar ekstradimin në Shtetet e Bashkuara ku akuzohet për komplot dhe publikim të sekreteve qeveritare.
Në deklaratën e tij ai ka thënë se me punën e tij ka mbrojtur “shumë njerëz”. Assange mund të dënohet me pesë vjet burgim nëse shpallet fajtor.
“Unë nuk dua të dorëzohem për ekstradim. Kam fituar shumë çmime dhe kam mbrojtur shumë njerëz”.
Ai paraqitjen në Gjykatë e bëri përmes një video-lidhje nga një burg britanik.
Gjyka
Një gjykatë britanike e ka dënuar më 1 maj, Julian Assange me 50 javë burgim, për shkak të shkeljes së rregullave të lirimit me kusht.
Assange ka qëndruar si refugjat në Ambasadën e Ekuadorit në Londër që nga viti 2012, për t’i ikur ekstradimit në Suedi, ku pritej të përballej me dyshimet për sulme seksuale dhe dhunime.
