Stina e pranverës jo vetëm që ka rizgjuar natyrën dhe hormonet, por ka sjellë një pamje më të freskët në gardërobën e gjithësecilit prej nesh. Pallot, peliçet, xhupat e trashë, çizmet u kanë lënë vend veshjeve dhe këpucëve më të lehta. E duke u ndalur tek këpucët, duhet të pranojmë që me një palë balerina mund të pushtoni botën. Përveç se janë shumë komode nuk kanë lidhëse, taka të larta apo mbërthecka të bezdisshme dhe mund të kombinohen me gjithçka: fund, fustan, pantallona jeans ose jumpsuit.
Por pasi keni mbathur për muaj të tërë këpucë të mbyllura, me siguri nuk e keni llogaritur ndjesinë e shtrëngimit te gishtat apo prerjen nga pas këmbës kur vishni balerin. Mos u shqetësoni, ka një zgjidhje për të gjitha dhe Living ju njeh në këtë artikull me truket si të zgjeroni këpucët që ju ngushtojnë.
1.Mbathni një palë çorape të trasha dhe mundohuni të vishni balerinat që ju shtrëngojnë. Me ndihmën e një tharëseje flokësh ngrohni për disa minuta pjesën e brendshme të baleriave. Nëse dështoni me provën e parë, mund ta provoni sërish.
2.Shtoni në një shishe ujë dhe alkool etilik të çntyruar dhe tundini për disa minuta. Pasi të vishni balerinat, spruconi rreth tyre me kujdes derisa të ndieni që nuk keni më dhimbje. Alkooli do të avullojë dhe këmbët nuk do t’ju vrasin më.
3.Merrni disa gazeta të vjetra dhe bëjini shuk. Më pas lagini me ujë dhe shtyjini në gjithë hapësirën e brendshme të balerinave. Pritni derisa të thahen dhe do të kuptoni që nuk ju ngushtojnë si më parë.
4.Me pataten mund të bëni shumë receta interesante, por edhe të ngushtoni balerinat. Merrni dy patate dhe qërojini. Më pas futini brenda balerinave dhe pritni 30 minuta ose më shumë. Patatet zgjerojnë dhe zbusin materialin e lëkurës ose të kastorit./Living/
