Deputetët ne Britani i dhanë një tjetër goditje kryeministrit Boris Johnson. Pak pasi kaluan projektligjin që do të sigurojë shtyrjen e divorcit me Bashkimin Europian deri më 31 janar, ata votuan kundër nismës se Johnzson për shpalljen e zgjedhjeve të parakohshme më 15 tetor me 298 vota pro dhe 56 kundër.
Disfata më e madhe për kryeministrin, ishte vota kundër e disa prej ligjvënësve të partisë së tij.
Tashmë projektligji që mund të vonojë divorcin me BE-në do të kalojë në dhomën e Lordëve të premte, e ata duhet ta miratojnë deri në fillim të javës që vjen.
Johnson vazhdimisht ka këmbëngulur se Britania e Madhe do të dalë nga Bashkimi Europian më 31 tetor me ose pa marrëveshje.
Brukseli po ndjek me vëmendje situatën e cila ka krijuar paqartësi të mëdha. Zëdhënësja e Komisionit Europian Mina Andreeva tha para gazetarëve se “në fakt nuk ka asgjë të re nga Londra”.
Lidhur me kostot që do të shkaktojë largimi i Britanisë nga Unioni, ajo theksoi se Brukseli ka zbutur qëndrimin duke e lënë te hapur mundësinë për një marrëveshje për çështjen e Irlandës.
Por nga ana tjetër, janë marrë të gjitha masat edhe për një divorc pa marrëveshje. Bashkimi Europian ka akorduar një fond prej 780 milionë dollarësh për të përballuar ndikimin e Brexit në ekonominë e unionit. Vendet anëtare që pritet të preken më shumë janë Gjermania, Holanda, Belgjika, Franca dhe Danimarka.
Brexit do të ndikojë pothuajse në çdo gjë, që nga vlera e euros dhe paundit britanik, lëvizjen e lirë të qytetarëve të BE-së në Britani dhe anasjelltas. Largimi i Britanise nga be do të tronditet më shumë investimet e mëdha.
