Jessie J mbështet Meghan Markle: Jeta jote, zgjedhja jote

Këngëtarja me famë botërore, Jessie J i ka dalë në mbrojtje Dukeshës së Sussex-it, Meghan Markle lidhur me vendimin e kësaj të fundit për të hequr dorë nga detyrat mbretërore.

Në “Instagram” ajo ka shpërndarë një foto të Meghan, ku dukesha duket e mërzitur.

Sipër fotos, këngëtarja shkruan se Meghan dhe Harry duhet ta jetojnë jetën si të duan.

“Shumë dashuri për këtë grua. Jeta e tyre, zgjedhja e tyre. Jeta është shumë e shkurtër! Jetojeni dashurinë në maksimum.”

Ky reagim i Jessie J erdhi pasi Harry dhe Meghan janë kritikuar shumë pas vendimit të tyre për dalë jashtë familjes mbretërore e për të nisur një jetë të pavarur financiare.