Simon Shkreli, miku i Indrit Shirokës, ka folur për marrëdhënien e aktorit me ish-bashkëshorten.
I ftuar në studion e Living Day në Vizion Plus, nën moderimin e Brunilda Lahe, ai u shpreh se ish-çifti ruan një marrëdhënie shumë të mirë, edhe për shkak të djalit të tyre.
Sa i përket aludimeve të fermerëve të tjerë se mes Indrit dhe konkurrentes Malbora mund të ketë pasur një lidhje, Shkreli u përgjigj se nuk është në dijeni për një gjë të tillë.
Pjesë nga biseda:
Lahe: Si e ka marrëdhënien Indri me ish-bashkëshorten?
Shkreli: Kur e kam takuar Indrin për herë të fundit, ka qenë pak ditë para se të fillonte në Ferma VIP. Pimë një kafe bashkë dhe e diskutuam këtë pjesë, si janë marrëdhëniet e tij. Janë marrëdhënie shumë të mira, krejt normale për një çift që kanë një fëmijë. Nuk e pyeta më gjatë.
Lahe: Nga fermerët u aludua se mund të ketë pasur një lidhje mes Indrit dhe Malborës?
Shkreli: Jo, nuk ia kam idenë. Unë Indrin e njoh me ish-bashkëshorten. E njoh në raporte pune, sepse kam punuar me Indrin. Njoh edhe familjen e tij, prindërit.
Ndërkohë sa i përket marrdhënies së shumëkomentuar mes Vanesës e Indrit, ky i fundit është shprehur se nuk është gati dhe ka sqaruar se nuk dëshiron të krijohen iluzione mes tyre.
Nga ana tjetër, Vanesa është shprehur e qartë se do të ndërpresë marrëdhënien me partnerin që ka jashtë, një temë që ka ngjallur diskutime si brenda ashtu edhe jashtë formatit “Ferma VIP”.
“Ferma VIP 3” vijon të mbetet një nga formatet më dinamike dhe të paparashikueshme në ekran.
/vizionplus.tv
