“Jemi në një situatë optimale”/ Rama jep lajmin e shumëpritur

Të enjten pritet që Komiteti Teknik i Ekspertëve të njoftojë një lehtësim të masave anti-COVID.

Lajmin e dha kryeministri Edi Rama, gjatë një komunikimi që pati me mediat, nga sheshi “Skënderbej”, ku po vijon vaksinimi masiv.

Rama nënvizoi se ky sezon turistik do të jetë shumë më i lehtësuar sesa ai i kaluari.

“Jemi në një situatë optimale në raport me strategjinë dhe planin e veprimit por është shumë e rëndësishme të mos të harrojmë  se kemi parashikueshmëri të plotë lidhur me rrugën drejt daljes përfundimtare nga ky tunel, duhet të vazhdojmë të jemi të kujdesshëm. Nesër komiteti do të dalë me planin e ri me lehtësim të mëtejshëm të masa. Ambicia jonë për të pasur një lehtësim të masave më shumë se vitin e kaluar.”