Të jesh gjithmonë në qendër të vëmendjes së medieve dhe shtypit është si të të vështrojnë me një lupë zmadhuese. Duan të dinë gjithçka dhe asnjëherë nuk i dihet se për çfarë mund të të lavdërojnë apo të të kritikojnë.
Kësaj herë pre e gojëve të liga ka rënë aktorja e mirënjohur Fahriye Evcen, dhe jo nuk ka të bëjë me thashethemet për martesën, por për rikthimin e saj në kinematografi.
Bukuroshja turke është shkëputur nga aktrimi që pas lindjes së djalit, duke refuzuar në mënyrë kategorike çdo lloj oferte për të qenë pjesë e serialeve apo filmave, por tani ka ardhur momenti të rikthehet sërish në ekran, mirëpo duke vendosur kushte të reja. Aktorja kërkon 130 mijë lira turke për episod dhe kërkon të punojë vetëm 4 ditë të javës, në oraret që do ajo, për shkak se nuk dëshiron ta lërë vetëm të birin, si dhe ka kërkuar gjithashtu që në sheshxhirime të merren masa të rrepta kundër Covid-19 dhe vendi të mos jetë i populluar.
Këto kërkesa janë konsideruar tepër abuzive nga ndjekësit e saj, që nuk kanë ngurruar ta quajnë “tekanjoze, të llastuar dhe aspak profesioniste”, duke e krahasuar me kolegë të saj që kanë punuar edhe për më pak para dhe në kushte pandemie./ Living
