Zv.Presidenti i SHBA, J.D Vance zhvilloi një takim të shkurtër me Papa françeskun këtë të shtunë.
Takimi u zhvillua në rezidencën e Papës, Casa Santa Maria, në Vatikan, njoftuan burime për Sky Neës.
Vatikani njoftoi se kishte pasur një “këmbim mendimesh” në lidhje me konfliktet ndërkombëtare, emigrantët dhe të burgosurit. Dy burrat kishin “biseda miqësore”, tha gjithashtu Shën Sedeja, dhe Vatikani shprehu kënaqësinë për angazhimin e qeverisë Trump për të mbrojtur lirinë e fesë dhe të ndërgjegjes.
“Ka pasur një këmbim mendimesh në lidhje me situatën ndërkombëtare, veçanërisht për sa i përket vendeve që preken nga lufta, tensionet politike dhe situatat e vështira humanitare, me një vëmendje të veçantë për emigrantët, refugjatët dhe të burgosurit,” thuhet në njoftim.
Vance është në Romë me gruan dhe fëmijët e tij.
Ai gjithashtu u takua me numrin dy të Vatikanit, kardinalin Pietro Parolin, dhe me ministrin e Jashtëm, arkipeshkvin Pol Gallagher.
Takimi, siç thekson Sky Neës, u zhvillua në mes të tensioneve midis Vatikanit dhe qeverisë Trump në lidhje me deportimet e emigrantëve nga SHBA dhe gjithashtu me reduktimet e ndihmës ndërkombëtare nga ana amerikane.
Papa Françesku ka quajtur më parë planet për deportimin e emigrantëve nga administrata Trump një “njollë”.
