Prej disa ditësh, reperja Tayna është nisur drejt Amerikës ku po shijon pushimet e saj të verës, pas një sezoni të ngjeshur plot koncerte.
Ajo pozoi në “The Hamptons”, zonën ku pushojnë më të pasurit në Amerikë dhe në postimet e saj tregoi se shoqërohet nga modelja Vildane Zeneli.
Mirëpo, atje ajo nuk është vetëm me Vildanen!
Mesa duket Tayna po kalon pushimet me grup shoqëror, pasi me ta ndodhet edhe këngëtari i njohur Seven Saraqi. Përpos ditëve të pushimit, menaxheri i Tayna-s ka rrëfyer se ajo ndodhet në atje edhe për të xhiruar një videoklip, që mbase mund të jetë bashkëpunim me Seven Saraqin!
Kujtojmë se gjithashtu reperja ka lajmëruar se shumë shpejt do të sjellë një baladë të re, pas baladës “Doruntina” që u pëlqye mjaft nga publiku.
