Gjykata e Korcës ka vlerësuar si të ligjshëm mandatet për kryetarë bashkie të përfaqësuesve të Partisë Socialiste në Maliq, Devoll, Kolonjë e Pustec që kandiduan në zgjedhjet e 30 qershorit.
Pasi janë pajisur më parë me vërtetimet nga Komisioni Qëndror I Zgjedhjeve, hapi tjetër I zyrtarizimit nga këta kandidatë ka qënë njohja e mandatit të tyre me vendim gjykate.
Edhe ky proçes ka kaluar me shqyrtimin të hënën në gjykatë dhe Gëzim Topçiu në Maliq, Eduard Duro në Devoll, Erion Isai në Kolonjë dhe Pali Kolevski në Pustec njihen ligjërisht nga organi I drejtësisë si kryetarë bashkie.
Nëse z. Topçiu e ka krejt të lehtë sepse e ka vazhdim mandati, Erion Isai I merr kolltukun po një përfaqësuesi të PS.
Pali Kolevskinë Pustec zëvendëson ish kryebashkiakun Edmond Themelko që I përket partisë të minoritetit maqedonas, të cilin e mundi edhe ne zgjedhjet e 20 qershorit.
Nuk dihet se si mund të shkojë lirimi I zyrës nga kryebashkiaku I të djathtës në Devoll, pasi ai dhe PD janë deklaruar se nuk njohin zgjedhjet lokale të 30 qershorit.
Nga ana tjetër një vendim gjykatë që zyrtarizon mandatin kryebashkiakut ka shkuar edhe për Andis Sallën e Cërrikut.
Madje në sallën e gjyqit në Elbasan gjatë kohës që është dhënë “ok” për mandatin e kandidatit fitues të PS, ka qënë edhe kreu aktual I bashkisë, Altin Toska i LSI, i cili kundërshtoi këtë vendim, pavarësisht se gjykatësit vendosën ndryshe.
