Një grup studiuesish izraelitë kanë izoluar një antitrup kryesor për koronavirusin.
Lajmi u bë i ditur nga Ministri i Mbrojtjes se shtetit hebre. Naftali Bennet shtoi se kemi të bëjmë me një hap të rëndësishëm përpara drejt një terapie të mundshme kundër Covid-19.
Antitrupi monoklonal neutralizues, i zhvilluar në Institutin Izraelit për Kërkime Biologjike, mund të “neutralizojë” virusin.
Sipas ekspertëve, ky është “një hap i rëndësishëm drejt gjetjes së një antidoti për koronavirusin”.
Drejtori i Institutit, Shmuel Shapira, tha se formula e antitrupave do të patentohet dhe më pas do të kërkojë një prodhues global për prodhimin në shkallë të gjerë.