Iu përgjigj nismës “Adopto një konvikt”, Bashkia e Tiranës nderon familjen

Nismes “adopto nje konvikt”, e cila synon rikonstruksionin e konvikteve te qytetit Studenti iu pergjigjen disa nga bizneset shqiptare. Nje prej tyre ishte edhe një familje nga Tirana.

Në shenjë vlerësimi për kontributin e dhënë, kreu i Bashkisë së Tiranës, Erion Veliaj i dorëzoi Arben Sadushit “Medaljen e Mirënjohjes”. “Zakonisht në bashki nderojmë presidentë, kryeministra që vijnë nga jashtë, apo kryetarë bashkie që na vizitojnë nga vende të tjera, por ndonjëherë harrojmë që heronjtë e vërtetë i kemi këtu mes nesh. Siç respektojmë dhe nderojmë të huajt, çka është shumë e rëndësishme, s’duhet të harrojmë të vlerësojmë qytetarët tanë, duke nisur nga fëmijët e familjes Sadushi, të cilët patën idenë të ishin kontribuues në kauzën për të rregulluar konviktet e “Qytetit Studenti” dhe iu përgjigjën pozitivisht thirrjes së kryeministrit, e mandej nxitën prindërit e tyre. Për këtë arsye, dua t’i jap këtë medalje mirënjohjeje familjes Sadushi, për gjithë kontributin dhe ndihmën që na dhanë në “Qytetin Studenti”, si familja e parë që iu përgjigj kësaj thirrje, edhe me shumë shpresë për një brez të ri që është i ndjeshëm”,

Reklamë

Kryebashkiaku i Tiranës ftoi që kjo nismë të ndiqet edhe nga biznese të tjera.

“Unë e kuptoj që është më kollaj të thuash jam “me studentët, me studentët”, por është më e vështirë të bësh diçka për ta. Si familja e parë që nisi këtë risi, jo vetëm për të qenë me studentët, por për të bërë diçka konkrete për studentët, keni gjithë mirënjohjen tonë dhe të qytetit të Tiranës”.