Iu gjet heroinë në banesë, vihet në pranga i riu

Aksioni i Policisë së Beratit arrestoi këtë të enjte një 26-vjeçar.

Gjatë një kontrolli të ushtruar në banesën e tij, uniformat blu gjetën 16.5 gramë heroinë, një peshore elektronike dhe 8 pilula metadon.

Shtetasi me iniciale E. I. akuzohet për veprën penale ‘’Prodhimi dhe shitja e narkotikëve’’ kryer në bashkëpunim.

Po ashtu, forcat e policisë, kanë shpallur në kërkim edhe shtetasin R. B., 35 vjeç, i cili ishte bashkëpunëtor i 26-vjeçarit. Ai ka mundur të largohet teksa policia kryente operacionin.