Kurba e zbutjes së koronavirusit në Itali vijon, ndonëse me ritme jo të shpejta.
Këtë të shtunë janë shënuar 55 viktima, shifra thuajse të njëjta që janë shënuar ditët e fundit.
Mirëpo autoritetet italiane bënë të ditur se në bilancin e kësaj të shtunë janë përfshirë edhe 23 viktima të tjera te raportuara nga rajoni I Lazios, viktima që i përkasin muajit mars por që janë shtuar vetëm sot në listën e konfirmuar të vdekjeve nga Covid-19.
Ndërkohë numri I rasteve të reja të evidentuara në 24 orët e fundit është 346, gati 50 më pak sesa bilanci I ditës së premte.
Të dhënat më pozitive vijnë nga numri I të shëruarve, plot 1780 vetëm gjatë 24 orëve të fundit.
Në repartet e terapive intensive në Itali kanë mbetur tashmë vetëm 220 persona ndërsa në total janë të shtruar në spital me simptoma më të lehta 3747 ricoverate .
