Rikthehet makthi për azzuret, ashtu si katër vite më parë në Kupën e Botës në Rusi. Italia mbetet në Play Off-in e Botërorit.
Të kaltrit nuk shkuan më shumë se një barazim pa gola me Irlandën e Veriut, një lojë që la shumë për të dëshiruar.
Skuadra e Mancinit e nisi mirë me disa raste për të shënuar, por pa finalizimin e duhur, ndërsa në të dytën u ndje jo pak lodhja dhe portat nuk u prekën asnjëherë. Pas ndeshjes tekniku italian u shpreh se asgjë nuk ka mbaruar këtu.
ROBERTO MANCINI- TRAJNERI I ITALISE
” Nuk do e quaj drame. Duhet të kishim fituar ndaj Bullgarisë,kishim dy penallti kundër Zvicrës, ndeshje që mund të kishin përfunduar në avantazhin tonë. U thashë djemve se tani nuk mund të bëjmë asgjë. Tani kemi ndeshjen në mars, do të përgatitemi mirë . Ky është një moment ku ne luftojmë. Kam besim”
Nga ana tjetër Zvicra beri detyrën përballë Bullgarisë pasi fitoi me rezultatin e pastër 4-0.
Një kualifikim mëse i merituar ky për zviceranët, që prodhuan lojë dhe në fund rrëmbyen vendin e parë në grup që ishte dhe objektivi kryesor.
Ndërkaq, Danimarka regjistroi humbjen e parë në këto eliminatore, pasi u mund 2-0 në transfertë nga skocezët.
Megjithatë një humbje që nuk ndikon aspak në klasifikim, pasi danezët e kishin siguruar vendin e parë në grup, ndërsa Skocia e mbyll e dyta këtë kompeticion .