Në një deklaratë për shtyp, Itali u pozicionua krah SHBA dhe Mbretërisë së Bashkuar, duake dënuar sulmet e përsëritura të Houthi-ve kundër anijeve tregtare në Detin e Kuq.
Në deklaratë mbështeten vendimet e dy superfuqive për të sulmuar Houth, duke iu referuar si mbrojtje për të drejtën për lundrim të lirë dhe të sigurt, siç parashikohet nga rregulloret ndërkombëtare.
Lexo edhe :
Related Posts
“Përballë sjelljes së papranueshme të Houthis, Italia mbështet operacionet e vendeve aleate, të cilat kanë të drejtë të mbrojnë anijet e tyre, në interes të flukseve tregtare ndërkombëtare dhe ndihmës humanitare”.
Në njoftimin e qeverisë Meloni nënvizohet se shkeljet e përsëritura të embargos së armëve të vendosura me rezolutën 2216 (2016) duhet të dënohen dhe u drejtohet një apel të gjitha vendeve anëtare të Kombeve të Bashkuara për të respektuar kufizimet e vendosura.
“Është e një rëndësie parësore të garantohet siguria në Detin e Kuq duke parandaluar dhe luftuar lëvizjet destabilizuese, të cilat nuk janë në interes as të aktorëve vendas dhe as të komunitetit ndërkombëtar. Është thelbësore të shmanget një rritje e mëtejshme e tensionit në rajon”, përfundon njoftimi i qeverisë Meloni. /vizionplus.tv/
