Guardia di Financa e qytetit te Napolit ne Itali, ne bashkëpunim me drejtorin e përgjithshme te antimafias, ka ekzekutuar kete te mërkurë 69 urdhërarreste ne lidhje me hetimet per korrupsion, ushtrim ndikimi dhe përvetësim te fondeve publike ne lidhje me klanin mafioz Kazalezi ne Napoli. Ne pranga kane përfunduar edhe politikane, kryetare bashkish, sipërmarrës, e persona te akuzuar per lidhje direkte me mafian. Kështu, hetimet e policisë italiane kane përfshirë emra te njohur te politikes e sipërmarrjes ne Napoli dhe rrethina. Mes personave të arrestuar janë këshilltari rajonal i Kampanjës, Pasquale Sommese, i Partisë “Nuovo Centro Destra”, Kryetari i Bashkisë së Aversës në provincën e Casertës, Enrico De Cristofaro, kryetarët e komunave te Riardo e Pompei, si dhe vëllai i kryetarit aktual të Bashkisë së Casapesennas, Raffaele De Rosa. Hetimet e financës italiane kanë zbardhur 18 tendera të fondeve publike rajonale, në komuna të ndryshme të provincës së Napolit, dhënë përgjatë viteve 2013-2016 në favor të klanit kamorrist të familjes mafioze Zagaria. Në qendër të hetimeve është figura e inxhinierit Guglielmo La Regina, mjaft i njohur në Napoli dhe i ashtuquajturi “The Queen”, i cili mbante lidhjet me shoqëritë nën pronësi të familjes mafioze Zagaria. Nën pranga kanë përfunduar dhe mjaft administratorë lokalë, funksionarë publikë , ekonomistë, inxhinierë, profesorë universitarë etj.
