54 ushtarë dhe një civil mbetën të vrarë gjatë një sulmi në një postë ushtarake në veri të Malit në Afrikë. Mes viktimave është edhe një ushtar francez.
Presidenca franceze përmes një deklarate për shtyp tha se ushtari mbeti I vrarë gjatë shpërthimit të një pajisjeje eksplozive të improvizuar.
Presidenti Macron falenderoi kapitenin Ronan Pointeau për sakrificën në emër të kombit në luftën kundër terrorizmit, ndërsa ngushëlloi familjen për humbjen e tij.
Shteti I vetëshpallur islamik mori përgjegjësinë për sulmin në rajonin kufitar lindor të Malit.
Përmes një lajmi të publikuar në agjencinë e lajmeve të ISIS, shkruhet se anëtarët e tij “shpërthyen një pajisje shpërthyese në një kolonë të ushtrisë franceze.
Pas vdekjes së liderit të ISIS, Abu Bakr al-Bagdadi fundjavën e kaluar, grupi militant ka postuar dhjetëra lajme në disa vende, me pretendimin se eshte përgjegjës për sulmet.
Megjithatë, ky mendohet të jetë sulmi më vdekjeprurës ndaj ushtarëve në 10 vitet e fundit.
Francezet ndodheshin në kufirin e trazuar të Afrikës Perëndimore gjatë sulmit, territor I cili është pllakosur nga dhuna pasi luftëtarët e lidhur me al Kaedën morën nën kontroll veriun e vendit në 2012.
