Një tjetër humbje e madhe është shënuar sot për media shqiptare. COVID-19 i mori jetën në moshën 54-vjeçare gazetares Anila Dushi. Lajmin e hidhur të ndarjes së saj të parakohshme nga jeta e dhanë mes dhimbjes së madhe miqtë e saj përmes postimeve në rrjetet sociale.
Pak ditë më pare, përmes njjë postimi në rrjete sociale Anila shkruante për atë që po përjetonte dhe e përshkruante si “tmerr”.
Dushi punoi për shumë vite edhe në TV lokale të Shkodrës. Gazetaria nuk është i vetmi dimension i Anila Dushit. Përveç mediave lokale e kombëtare, të shkruara e audiovizive, Anila ka kontributin e saj edhe si pedagoge e jashtme për 5 vite në Degën e Gazetarisë në Shkodër.
