“11 maji i katër viteve të ardhshme”, kjo ishte tema e Quo Vadis e moderatores Pranvera Borakaj këtë të enjte në Vizion Plus.
Të ftuarit në studio analizuan rezultatin e zgjedhjeve, ku shqiptarët i besuan edhe katër vitet e ardhshme Partisë Socialiste dhe Edi Ramës.
I ftuar në studio eksperti i ekonomisë, Ergis Sefa, theksoi se premtimet e bëra nga PS u pranuan më shpejt nga shumica e shqiptarëve në ona të caktuara.
Pjesë nga biseda:
Borakaj: Ishte ky rezultat i programeve, apo shqiptarët votojnë ndryshe?
Sefa: Nuk është rezultat i programeve. Nëse do të shohim programet e 5 forcave të para politike, do të shohim që partitë e vogla kanë program më solid se partitë e mëdha. Nëse do të shikojmë programet, në terma buxhetorë PD ishte si makinë parash, PS ishte do vazhdojmë të njëjtën gjë, premtonte sërish ujë. Prapë njerëzit e votuan, këtu hyjmë në një analizë të të thellë psikokulturure.
Progni: Nuk jam fare dakord që njerëzit janë problemi. Ta them unë pse votojnë Edi Ramën, persona të PS e kanë me detaje çdo problematikë të cdo personi.
Kaziaj: Shqiptarët kanë një prognozë të çuditshme. Në Hotolisht njerëzit u proceduan se po mbronin pronën e tyre, ata votuan PS.
Sefa: Mënyra pse programi është ndërtuar i tillë duket pse? Sepse e kanë parë që ato lloj premtimesh dhe masash që përkojnë me ato zona ku kanë marrë më shumë vota. Nga ana tjetër partia tjetër nuk arriti të gjejë nyjet për shkak të sistemit. Pra për shkak të sistemit vota jonë nuk vlen njëlloj si në Tiranë si në Roskovec. Pra kishte një farë shpërndarjeje jo të barabartë për peshën e votës. Edhe për programe PS ishte më e fokusuar, PD ishte ëm gjithëpërfshirëse, problemei është se nuk përktheht në mandate. Po të shohësh votat që ka marrë Lëvizja Bashkë apo Shqipëria Bëhet dhe të shohësh si përkthehen në mandate kjo është e tmerrshme. Javën e fundit të fushatës zv.kryeministrja tregoi cilat do të jenë akset më të mëdha të ivestimeve.
