Ish-kryeministri britanik, Tony Blair, ka kërkuar një referendum të dytë mbi tërheqjen e Britanisë nga Bashkimi Evropian.
Në thirrjen e tij Blair i ka kërkuar kryeministres Theresa May, të ndalë “së godituri kokën në mur” lidhur me planet për marrëveshjen e Brexit-it.
Ndër të tjera në fjalën e tij ish-kryeministri laburist, Blair është shprehur se nuk do të ishte “shumë e vështirë” për kryeministren May, të thotë, se ka dhënë gjithçka nga vetja në bisedime, dhe se ka gjetur një zgjidhje që do të kënaqte parlamentin.
Gjithashtu ai tha se do të ishte e arsyeshme që May t’i thoshte popullit britanik se përmes një votimi publik do të vendoset në cilin drejtim do të shkojë vendi.
