Ish-deputeti i Lëvizjes Socialiste në Integrim në Gjirokastër, Vangjel Tavo ka reaguar lidhur me shkarkimin nga puna të dy mjekëve të QSUT-së, Ilir Allkja dhe Genc Struga.
Ai shprehet se largimi i mjekëve është marrëzi e qeverisë dhe presion diktatorial. Nëpërmjet një postimi në “Facebook”, Tavo i bëri thirrje qeverisë që të kthejë menjëherë në punë të dy mjekët e pushuar.
“A e kuptoni se çdo të thotë të pushosh nga puna një mjek sot kur ne kemi mungesë të theksuar mjekësh? Shkarkimi i vazhdueshmëm i mjekëve është presion diktatorial dhe tregon papërgjegjshmërinë e kësaj qeverie. I bëj thirrje qeverisë t’i kthejë menjëherë në punë të dy mjekët e pushuar nga puna Ilir Allkja dhe Genc Struga. Ky është turpi i radhës për drejtuesit e QSUT dhe Ministrinë e Shëndetësisë. Kjo qeveri skandalesh duhet larguar sa më parë. Të gjithë në mbështetje të bluzave të bardha, heronjve tanë të heshtur”, shkruan Tavo.
