Presidenti i Shteteve të Bashkuara të Amerikës, Donald Trump lëshoi një deklaratë të fortë. Ai deklaroi se Irani po planifikon një sulm ndaj SHBA-ve, për t’u hakmarrë për vrasjen e gjeneralit iranian, Qassem Soleimani.
“Sipas raportimeve në shtyp, Irani mund të jetë duke planifikuar një atentat ose sulm tjetër kundër Shteteve të Bashkuara në shenjë hakmarrjeje për vrasjen e udhëheqësit terrorist Soleimani, i cili u vra sepse po planifikonte një sulm në të ardhmen, vrasjen e trupave amerikanë”, tha ai në “Twitter”.
Trump kërcënoi se nëse diçka e tillë ndodh, kundërpërgjigja e amerikanëve do të jetë shumëfish më e fortë.
“Çdo sulm nga Irani, në çdo formë, kundër Shteteve të Bashkuara do të pritet me një sulm ndaj Iranit që do të jetë 1.000 herë më i madh! Unë dhe ekipi im po monitorojmë nga afër Uraganin Sally jashtëzakonisht të rrezikshëm. Ne jemi të angazhuar plotësisht me udhëheqësit shtetërorë dhe lokalë për të ndihmuar njerëzit e mëdhenj të Alabama, Luiziana dhe Misisipi.”
Marrëdhëniet mes SHBA-ve dhe Iranit u tensionuan mjaftueshëm, aq sa u përhapën fjalët për luftë, pas vrasjes së gjeneralit Iranian Qassem Soleimani në një sulm ajror në Bagdad nga SHBA dhe sulmit ajror të Iranit në bazën ushtarake amerikane në Irak.
