Një grua e re ecte rreth një universiteti iranian me të brendshme dhe u arrestua në atë që besohet të jetë një protestë kundër kodit të rreptë të veshjes islame të vendit.
Një video e postuar në mediat sociale tregon rojet e sigurisë në një degë të Universitetit Islamik Azad duke arrestuar gruan e paidentifikuar.
Përfaqësuesi i universitetit, Amir Majob, tha në një postim në “X” se në komisariat u konstatua se gruaja ishte nën stres të rëndë psikologjik dhe kishte një çrregullim mendor.
Megjithatë, disa përdorues të mediave sociale spekuluan se veprimi i gruas ishte një protestë e qëllimshme.
“Për shumicën e grave, të qenit me të brendshme në publik është një nga makthet e tyre më të këqija. Ky është një reagim ndaj këmbënguljes budallaqe [të autoriteteve] për hixhabin e detyrueshëm”, tha përdoruesi Lei La në X, me komentin e tij që shoqëronte një video të incidentit.
Fati i gruas mbetet i panjohur, por e përditshmja “Hamshahri” raportoi në faqen e saj se autorja e këtij akti ka probleme të rënda psikologjike dhe, pas hetimeve, me siguri do të transferohet në një klinikë psikiatrike./vizionplus.tv
