Situata në Theth pas shembjeve të fundit nga ultimatumi i Edi Ramës për lirimin e hapësirave publike, ka shkaktuar reagime të forta nga banorët lokalë dhe investitorët që pretendojnë se kanë humbur gjithçka.
Bekim Koçeku, pronar bujtine, në një lidhje drejtpërdrejt në Quo Vadis në Vizion Plus, e cilësoi këtë si një padrejtësi të madhe që i ka shkatërruar jetën.
Lexo edhe :
Related Posts
Koçeku tregoi se ka investuar 170 mijë euro për të ndërtuar 5 bujtina, disa me para të kursyera e disa i kishte marrë borxh.
Pjesë nga biseda:
Borakaj: Si është situata në Theth?
Bekim Koçeku: Katastrofike.
Borakaj: Pse?
Bekim Koçeku: Është rrënuar gjithçka që ka qenë e ndërtuar.
Borakaj: Është bërë virale videoja juaj ku keni qenë i shtrirë në tokë dhe nuk çoheshit.
Bekim Koçeku: Arrita të rri deri në 24 orë, pastaj më mashtruan. Erdhën 100 forca speciale. Janë bërë virale edhe videot e mia ku më shtynin policët. Forcat speciale rrethuan vendin dhe erdhën e i prishën. Ma shkatërruan jetën.
Borakaj: Sa ishin investimet tuaja?
Bekim Koçeku: 170 mijë euro kam investuar. Ishin kursime, të marra borxh, të gjitha bashkë. Certifikatë pronësie nuk kam. Unë dëgjova fjalën e kryeministrit që investoni dhe investova.
Borakaj: Nuk kishit një merak që në 2025 mund të mos fitonte Rama, duke qenë se keni ndjekur fjalën e tij, dhe sërish mund t’ua shembte, sepse ju nuk keni një certifikatë pronësie?
Bekim Koçeku: Certifikatë pronësie nuk ka askush atje. Ju bëj thirrje institucioneve të na ndihmojnë. Kërkojmë dëmshpërblim. Pesë bujtina kam ndërtuar. bashkë me shtëpinë time, gjashtë.
Borakaj: Gjatë kohës që ju po i ndërtonit, erdhi njeri që t’ju kontrollonte?
Bekim Koçeku: Jo, asnjë.
/vizionplus.tv
