Investimi ne qendrën operacionale

Ministria e Mbrojtjes inauguroi ambientet e reja të qendrës së bashkuar operacionale si një ndër strukturat më të rëndësishme të komandimit të forcave të armatosura. Ministrja e Mbrojtjes Mimi Kodheli tha se kjo qendër bashkë me Forcat e Armatosura, i janë përgjigjur qytetarëve në gjithë këto vite të emergjencave të natyrave të ndryshme, duke filluar që nga përmbytjet, tek zjarret e deri të proceset e kërkim shpëtimit. Qëndra e Bashkuar Operacionale është më bashkëpunuese me gjithë strukturat e tjera institucionale të cilat shteti i ka ngritur për të gjitha rastet e emergjencave të çfarëdolloj natyre tha Kodheli. Në këtë strukturë është bërë një investim prej 12 milionë lekësh.