Një vajzë 5-vjeçare u fut në intubim pasi rezultoi pozitive me koronavirus. Ngjarja ndodhi në Padova, ku vajza e vogël mbërriti në urgjencë me probleme me frymëmarrjen.
Gjendja e saj, siç raportojnë mediat italiane, është përmirësuar paksa. Sipas autoriteteve, pacientja nuk vuan nga sëmundje të tjera, por mjekët flasin për sindromën e gjakut dhe veshkave.
Ata kanë dyshime se kjo sindromë mund të jetë shkaktuar nga koronavirusi, por ende po e studiojnë si rast. E gjithë familja e të miturës është në karantinë dhe është testuar.