Një tjetër lojtar i Kombëtares shqiptare mund t’i bashkohet kampionatit italian në orët e fundit të merkatos së dimrit. Bëhet fjalë për sulmuesin Indrit Tuci, i cili është në radarët e Venecias.
Kalimi i 25-vjeçarit tek skuadra italiane është i lidhur ngushtë me transferimin e Joel Pohjanpalos tek Palermo.
Palët po punojnë që kjo marrëveshje të mbyllet sa më shpejt për kalimin e veteranit finlandez në Sicili.
Zëvendësuesi i tij tek Venecia duhet të jetë Indrit Tuci, sulmuesi i Spartës së Pragës, klub që në fakt bleu pak ditë më parë nga Venecia edhe futbollistin Andersen, ndaj marrëdhëniet mes palëve janë shumë të mira.
Shtatlarti kuqezi Indrit Tuci, në këtë sezon tek Sparta e Pragës, ka luajtur 9 ndeshje dhe ka shënuar dy gola.
