Policia e sheriatit në provincën Aceh të Indonezisë ndëshkoi publikisht të enjten një burrë dhe një grua të pamartuar me nga 140 goditje me kamxhik secilin, për shkak se kishin kryer marrëdhënie seksuale jashtë martese dhe kishin konsumuar alkool, njoftuan autoritetet dhe një gazetar i AFP-së që ishte i pranishëm në vendngjarje.
Sipas autoriteteve, dënimi përbëhej nga 100 goditje për marrëdhënie seksuale jashtë martese dhe 40 për konsumimin e alkoolit. Gjatë ekzekutimit të dënimit, gruaja humbi ndjenjat dhe u transportua me ambulancë.
Aceh Publicly Canes Unmarried Couple 140 Times Each for Sex Outside Marriage and Alcohol
Sharia police in Indonesia’s Aceh province publicly caned an unmarried man and woman 140 times each on Thursday for having sex outside marriage and consuming alcohol, according to officials… pic.twitter.com/KduPo5RYWF
— Network Axis Group (@NetAxisGroup) January 29, 2026
Çifti ishte pjesë e një grupi prej gjashtë personash të ndëshkuar për shkelje të kodit islamik të Aceh, mes tyre edhe një oficer i policisë së sheriatit dhe partnerja e tij, të cilët u dënuan me nga 23 goditje secili.
Aceh është e vetmja provincë në Indonezi që zbaton një formë të ligjit të sheriatit, në kuadër të autonomisë së veçantë të dhënë në vitin 2001. Dënimi me kamxhik përdoret për shkelje të ndryshme, përfshirë bixhozin, konsumimin e alkoolit dhe marrëdhëniet seksuale jashtë martese.
/vizionplus.tv
