Presidenti Ilir Meta reagoi për incidentin që u shënua këtë të mërkurë në Fier, ku kandidatja e LSI, Kejdi Mehmetaj u përplas me policinë bashkiake sepse sipas saj, po hiqen banerat e partisë.
Në “Facebook”, Meta u bëri thirrje kandidatëve të LSI të ruajnë qetësinë.
“U bëj thirrje kandidatëve të LSI në Fier të mos bien pre e provokimeve të Policisë Bashkiake për çështjen e banderolave dhe ta tejkalojnë me urtësi këtë moment. Ndërsa po u prek një votë ditën e votimeve, t’i mprehin cfurqet, se si gratë trime të Libofshës do t’i ndjekim këmba këmbës horrat, nëse nuk kanë kuptuar gjë akoma.🇦🇱”
