Kryeministri Edi Rama ka ndarë një video nga ura e re e Kukësit, e cila u inaugurua një ditë më parë.
Rama shkruan në rrjetet sociale (Facebook) se ura e re është një shëmbëlltyrë e ambicies së qeverisë për Kukësin dhe Shqipërinë.
Lexo edhe :
Related Posts
“Mirëmëngjes dhe me Urën e Madhe të Veriut, një shembëlltyrë e ambicies sonë për Kukësin e për të gjithë Shqipërinë, e cila jo vetëm zgjidhi përfundimisht nyjen e rrezikshme që lidhte deri dje dy anët e Drinit, po edhe solli një tjetër realitet të ri inxhinierik e arkitektonik në infrastrukturën e Shqipërisë 2030, ju uroj një ditë të mbarë”, shkruan kryeministri Rama.
Ndërkohë një ditë më parë, me këngëë tradicionale, kuksianët pritën kryeministrin Edi Rama për inagurimin e Urës së Madhe, e cilësuar si një nga veprat më të rëndësishme infrstrukturore që çliron trafikun në zonë.
“Ura hapet për të gjithë edhe për ata që ç’nuk thanë për këtë urë, deri tek ata që thanë që u këputën këmbët, por kjo ska këmb pasi është e shtrirë përgjatë një hapsirë dritë ndër më të mëdhat nga urat në Europë”, tha Rama.
E pranishme në inagurim, Ministrja për Infrastrukturën dhe Energjinë, Belinda Balluku e cilësoi investimin tepër të domosdoshën.
“Gjatë këtyre viteve i gjithë trafiku kalonte përmes një ure të ndërtuar në vitin 1978, dhe kjo pjesë ishte lënë jashtë vëmendjes”, tha Balluku.
Ura është një investim prej 50 milion eurosh, ndërsa ka një gjatësi totale prej 310 metra dhe lartësi prej 56 metra.
Projekti është financuar nga konçesionari i Rrugës së Kombit dhe konsiderohet si një nga urat me hapësirën më të madhe në Ballkan në tipologjinë e saj. /vizionplus.tv
