Imitoi zërin e Agron Xhafajt, lirohet personazhi i “Babales”

Gjykata e Tiranës liron nga burgu Fredi Alizotin, një nga personazhet e dosjes “Babale”. Alizoti ishte dënuar me dy vite burg nga Gjykata si i implikuar në video-regjistrimin për vëllain e ish-ministrit të Brendshëm, Fatmir Xhafaj.

Ai imitoi zërin e Agron Xhafajt, e për këtë arsye mori edhe dënimin me dy vite burg, si pasojë e gjykimit të shkurtuar. Një dënim që tashmë përfundoi dhe për këtë arsye Gjykata urdhëroi lirimin e tij nga qelia.