Policia greke ka identifikuar bullgarin që abuzoi seksualisht me 50-vjeçaren shqiptare. Mediat e vendit fqinj shkruajnë se bëhet fjalë për një 35-vjeçar, ndërsa nuk japin të dhëna të tjera.
Zëdhënësi i policisë greke deklaroi se: “Ne e kemi identifikuar autorin. Këto janë ngjarje vërtet të trishtueshme. Fenomene të tilla në tërësi nuk kanë të bëjnë vetëm me policinë. Këto fenomente duhet të marrin fund”.
Shqiptarja ishte duke pastruar në një pallat, kur një i ri nga Bullgaria, e tërhoqi me forcë në apartamentin e tij, duke abuzuar seksualisht me të. Aktualisht gruaja ndodhet në spital, nën kujdesin e mjekëve.
Një grua, e cila ka parë të gjithë ngjarjen, ka rrëfyer në polici momentet e para kur është ndeshur me gruan.
“E gjeta gjysmë të zhveshur, me fytyrë të deformuar nga rrahjet. Ishte në gjendje të rëndë psikologjike.”
