Identifikohen 79 raste të reja pozitive me COVID, ja si paraqitet situata në spitale

Gjatë 24 orëve të fundit, në vend nuk është shënuar asnjë viktimë nga COVID.

Por, janë identifikuar 79 raste të reja pozitive nga 1,192 testime të kryera. Numrin më të lartë të të infektuarve e regjistron Tirana dhe Saranda.

Aktualisht, në spitalin COVID3 po marrin trajtim 12 pacientë, nga të cilët 1 është në gjendje më të rënduar.

Sakaq, në të gjithë vendin janë aktivë me COVID 463 pacientë.