Vijojnë kërkimet për gjetjen e trupit të 43-vjeçarit Tofik Xhika, i cili doli për të peshkuar në ujërat e lumit Drini i Zi, por nuk u kthye më në shtëpi.
Familjarët, banorët e zonës dhe forcat e policisë kanë kërkuar për tetë ditë me radhë, por pa rezultat.
Edhe polumbarët e RENEAS nisën kërkimet, por për shkak të prurjeve të shumta të lumit Drin dhe ujit të turbullt, ata u tërhoqën.
Në këto kushte, familjarët kanë marrë privatisht 2 polumbarë për të kryer kërkime. Sot, të afërmit e 43-vjeçarit kërkojnë sërish ndihmën e shtetit.