Policia vuri në pranga një infermiere të spitalit Infektiv këtë të martë. Ronida Hysa, 30 vjeçe, akuzohet se i ka vjedhur portofolin një pacienti me COVID-19, që ishte i shtruar në Infektiv, por më pas ndërroi jetë.
Për këtë ngjarje ka bërë denoncim djali i të ndjerit, shtetasi F. D., 25 vjeç. Ai ka deklaruar se nga llogaria bankare e të atit ishte tërhequr shuma 60.000 lekë.
Infermierja ka pranuar krimin në një emision investigativ. 30-vjeçarja akuzohet për veprat penale “Vjedhja” dhe “Vjedhja duke shpërdoruar detyrën”.
