Zbardhet grabitja e ndodhur dy ditë më parë në Korçë. Efektivët vunë në pranga 31-vjeçarin Ilia Temo, i cili akuzohet se i ka vjedhur 1 milion lekë kambistit Anxhel Rrënja.
Ilia Temo është një person me precedentë të mëparshëm penalë. Në ditën e vjedhjes, ai kishte thyer arrestin shtëpiak.
Kjo masë sigurie i ishte vënë nga Gjykata e Korçës për veprat penale “Prodhimi dhe shitja e narkotikëve”, “Prodhimi dhe mbajtja pa leje e armëve të ftohta” dhe “Mosbindja ndaj urdhërit të punonjësit të policisë së rendit publik”.