Ekstradohet nga Spanja 48-vjeçari i akuzuar për shpërthimin me eksploziv në Bulqizë
Në kuadër të operacionit ndërkombëtar “The Wanted”, Interpol Tirana në bashkëpunim me Interpol Madrid ka finalizuar ekstradimin nga Spanja drejt Shqipëria të shtetasit Robert Isaku, 48 vjeç.
Ai ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Dibër i kishte caktuar masën e sigurisë “arrest në burg” për veprën penale “shkatërrimi i pronës me eksploziv”.
Sipas hetimeve, më 29 qershor 2018, në Bulqizë, 48-vjeçari dyshohet se shpërtheu me eksploziv një automjet tip “Audi” në një lavazh, duke shkaktuar vetëm dëme materiale.
/vizionplus.tv
