Tensione të forta janë regjistruar përpara Kryeministrisë gjatë protestës së organizuar nga opozita, ku protestuesit hodhën fishekzjarrë dhe mjete të tjera piroteknike drejt godinës.
Forcat e policisë ndërhynë për të shpërndarë turmën dhe për të rikthyer situatën nën kontroll, duke përdorur ujë dhe gaz lotsjellës.
Kreu i Partisë Demokratike, Sali Berisha, u mbrojt me çadra dhe maska kundër gazit, ndërsa demokratët u ndanë në dy kampe në Bulevard.
Pas përballjes me Kryeministrinë, protestuesit, me Sali Berishën në krye, hodhën molotovë dhe fishekzjarrë edhe drejt Ministrisë së Infrastrukturës, ku tashmë drejton pasardhësi i Belinda Ballukut.
Ngjarja ka tensionuar qendër të kryeqytetit, ndërsa autoritetet vijojnë monitorimin e situatës.
/vizionplus.tv
