I shpallur në kërkim ndërkombëtar, ekstradohet nga Gjermania drejt vendit tonë 51-vjeçari (Emri)
Interpol Tirana ka finalizuar ekstradimin nga Gjermania drejt Shqipërisë të 51-vjeçarit shqiptar Sokol Ndreka.
Ndreka ishte shpallur në kërkim ndërkombëtar, pasi Gjykata e Shkallës së Parë e Juridiksionit të Përgjithshëm Tiranë, në vitin 2024, e ka dënuar me 6 vite burgim për veprat penale “Ndihma për kalim të paligjshëm të kufijve” dhe “Largimi i të burgosurit nga vendi i qëndrimit”.
Sipas Policisë, ngjarja lidhet me datën 31 tetor 2022, kur në rrugën dytësore Tiranë-Durrës u kapën në një automjet 15 shtetas të huaj, emigrantë të paligjshëm. Nga hetimet rezultoi se Ndreka ishte i përfshirë në aktivitetin e paligjshëm të trafikimit të emigrantëve.
NJOFTIMI I PLOTË:
Si rezultat i koordinimit të veprimeve operacionale ndërmjet specialistëve të Drejtorisë së Interpol Tiranës dhe Interpol Wiesbaden/Gjermani, në vijim të operacionit ndërkombëtar të koduar “The Wanted”, u finalizua ekstradimi nga Gjermania drejt vendit tonë i shtetasit shqiptar Sokol Ndreka, 51 vjeç.
Ky shtetas ishte i shpallur në kërkim ndërkombëtar, pasi Gjykata e Shkallës së Parë e Juridiksionit të Përgjithshëm Tiranë, në vitin 2024, e ka dënuar me 6 vite burgim për veprat penale “Ndihma për kalim të paligjshëm të kufijve” dhe “Largimi i të burgosurit nga vendi i qëndrimit”.
Përmbledhje e ngjarjes:
Më datë 31.10.2022, në rrugën dytësore Tiranë-Durrës, janë kapur në një automjet 15 shtetas të huaj (emigrantë të paligjshëm).
Nga hetimet ka rezultuar se shtetasi Sokol Ndreka ishte i përfshirë në aktivitetin e paligjshëm të trafikimit të emigrantëve.
Si rezultat i bashkëpunimit të Interpol Tiranës me Interpol Wiesbaden/Gjermani, u bë i mundur arrestimi i tij në Gjermani, duke u finalizuar me ekstradimin drejt vendit tonë.
/vizionplus.tv
