Një ngjarje e rëndë ka ndodhur ditën e sotme në Kavajë ku një 31-vjeçar ka varur veten brenda komisariatit.
I riu Ilvi Meta, ishte ndaluar ditën e sotme nga policia pasi akuzohej për vjedhje dhe ishte dënuar nga gjykata.
31 vjeçari ishte arrestuar për disa vjedhje, i shoqëruar për disa orë më parë.
I riu dyshohet të jetë vetëvrarë me çarçaf.
Njoftimi i policise:
Më datë 04.05.2022, në Komisariatin e Policisë Kavajë, është gjetur nga shërbimet e Policisë i vetëvarur në dhomat e izolimit dhe si pasojë ka ndërruar jetë, shtetasi i ndaluar I. M., 31 vjeç, i cili është ndaluar ditën e sotme rreth orës 15:50 pasi Gjykata kishte vendosur ndaj tij masën e sigurisë “Arrest në burg”, për vjedhje.
Është ngritur një grup i posaçëm hetimor nën drejtimin e Prokurorisë së Rrethit Gjyqësor Kavajë i cili ndodhet në vendngjarje dhe po punon për sqarimin e rrethanave të ngjarjes.
