Francisco Mariano Javier Ibanez nga Argjentina ka pranuar se është i varur pas operacioneve, vetëm e vetëm për t’u dukur si Ricky Martin, duke shpenzuar mbi 7.290 euro për procedurat estetike.
Ai u shpreh se dëshira e tij për t’u dukur si këngëtari i famshëm filloi shumë kohë më parë, kur njerëzit thanë se kishte një ngjashmëri mes tyre.
“Kjo filloi shumë kohë më parë, kur më thanë se kisha një ngjashmëri me Ricky Martin. E mora si shaka, por fillova të bëja disa ndryshime dhe ngjashmëria u rrit. Kam marrë një foto të tij, kuptova që më pëlqente dhe, si çdo gjë në jetë, kur diçka më pëlqen, shkoj drejt saj. Tani jam në gjendje të kuptoj se gjëja ideale është të jesh vetvetja, jo dikush tjetër. Por u desh pak kohë për ta kuptuar këtë”.
