Në takimin e Berishës me të rinjtë e FRPD, I pranishëm ishte dhe djali i ish-deputetit të ndjerë të PD-së, Sokol Olldashi, Glauk.
Gjatë fjalës së tij, ai tha se të rinjtë janë shpresa dhe përfaqësimi më i mirë i vlerave të PD-së, ndërsa shtoi se duhet të refuzohet urgjentisht modeli “socialist autoritar” në Partinë Demokratike.
“Nuk dua të ndalem në problemet e brendshme që kemi në partinë tonë pasi janë shumë dhe janë diskutuar më parë. Ajo që dua të them është se duam të vijmë në pushtet për shqiptarët dhe për ta bërë Shqipërinë një vend të lirë. Jemi kundër një modeli socialist dhe autoritar. Ne që ta mundim këtë model autoritar nuk mund ta mundim me një PD autoritare. Duhet t’i ruajmë vlerat tona dhe t’i zbatojmë ato. Kam besimin se do arrijmë të hapim partinë dhe t’i përfaqësojmë demokratët kudo ku janë. Duhet të frymëzojmë të gjithë shqiptarët që të sjellim PD në pushtet. Nuk ka kush t’i përfaqësojë vlerat e PD sesa forumi i Partisë Demokratike”, deklaroi Glauk Olldashi.