Një burrë humbi kontrollin e makinës së tij në qendër të Kopenhagenit, duke plagosur 11 persona, tre prej të cilëve janë në gjendje kritike, tha policia në kryeqytetin danez.
Sipas dëshmive të cituara nga AFP, një burrë i moshuar që po drejtonte makinën e tij dyshohet se është përplasur me një pengesë në kantierin e ndërtimit dhe ka humbur kontrollin e automjetit.
Makina më pas goditi një çiklist dhe doli në trotuar pranë një kafeneje.
Mjeti vazhdoi në trotuar, ku përplasi njerëz të tjerë, tha policia.
Dëshmitarë okularë që po pinin kafenë e tyre në këtë lagje të zhurmshme të Kopenhagenit thanë se “dëgjuan zhurmë të fortë.”
Shoferi është midis të lënduarve dhe ende nuk është marrë në pyetje, tha policia./vizionplus.tv
