Numër i lartë vizitash e kërkesa për ndihmë mjekësore në urgjencën e spitalit rajonal të Korçës, si pasojë e kushteve të vështira të motit këtë sezon dimri.
Burime zyrtare të këtij spitali, duke ju referuar të dhënave nga reparti i urgjencës, raportojnë për një numër të madh trajtimesh të qytetarëve me probleme të ndryshme shëndetësore.
Kështu, nga fillimi i muajit janar të këtij viti janë regjistruar 791 raste të cilave u është dhënë ndihma e parë në urgjencë. Autoambulancat kanë shërbyer në 227 misione, ndërsa dy misione janë kryer me helikopter.
Spitali rajonal Korçë konfirmon se të gjitha këtyre rasteve u është afruar ndihma e shpejtë profesionale dhe përkushtimi i mjekëve e stafit të repartit të urgjencës.