I dërguari i Posaçëm i Presidentit amerikan Donald Trump për dialogun Kosovë-Serbi Richard Grenell është takuar në Prishtinë me kreun e Lëvizjes Vetëvendosje Albin Kurti.
Zyrtari I lartë amerikan pas takimit ka deklaruar se nuk dëshiron të përfshihet në përplasjen për krijimin e qeverisë së re në vend, teksa ka përsëritur thirrjen për heqje të taksës prej 100 për qind.
RICHARD GRENELL
I DERGUAR I SHBA PER DIALOGUN
Formimi i qeverisë së re nuk është problemi im dhe nuk jam i interesuar që të përfshihem aspak. Dua të them dy gjëra, i thashë z.Kurtit se ne jemi duke parë se çka po ndodh dhe ju inkurajojmë që të veproni sipas ligjit.
Diplomati amerikan ka shtuar prania e tij në Kosovë ka për qëllim rritjen e ekonomisë së vendit.
RICHARD GRENELL
I DERGUAR I SHBA PER DIALOGUN
Dua të sqaroj se shtytja ekonomike që unë jam duke dashur që të bëj është më e rëndësishmja, formimi i vendeve të reja të punës, njerëzit janë të interesuar që të ndihmojnë ekonominë këtu, administrata e Trumpit ka qenë mjaft e suksesshme në rritje të ekonomisë duke ju ndihmuar bizneseve përmes qeverisë.
Grenell ka shtuar se do të kërkojë ndërkaq nga Beogradi, ku do të qëndrojë nesër gjatë ditës që të ndalin fushatën për tërheqjen e njohjeve.
Zyrtari i lartw amerikan mbrëmë ka takuar EDHE presidentin e vendit, Hashim Thaçi ku përmes një postimi edhe pas darkës së punës tha se duhet të bëhet progres dhe të hiqet taksa.
