Policia greke, ka arrestuar ditën e sotme në Kakavijë një shqiptar të shumëkërkuar nga autoritetet franceze. Mësohet se shqiptari, i cili ende nuk është identifikuar është kapur në tentativë për të kaluar në shtetin fqinj.
Ai është arrestuar nga sektori i kontrollit të pasaportave në bashkëpunim me policinë e Janinës.
Shqiptari rezulton me urdhër arresti evropian nga autoritetet franceze, i dënuar me 6 vjet burg pre “rast të veçantë të mbrojtjes së prostitucionit”, “pjesëmarrje në një komplot kriminal” dhe “trafikim i qenieve njerëzore i kryer kundër shumë individëve”.
